Javier Gómez Noya é un ídolo de nivel mundial para moitas persoas relacionadas co triatlón. Aproveitando un respiro entre as duas competicións da modalidade cross o pentacampeón celebrou unha carreira pola beira do río e a illa cun grupo de persoas coas que conversou e convidou a vir a Pontevedra cando desexen, xa a cidade ofrece inmellorables condicións para a práctica deportiva.
Un paseo que mostra parte da rutina diaria de Gómez Noya e o resto dos triatletas locais como Pablo Dapena ou Susana Rodríguez, tamén moi coñecidos polo público triatleta internacional. Unha experiencia que resultou inesquecible para moitas persoas que se achegaron a Pontevedra para gozar do Multisport ou tomar parte nalgunha das carreiras programadas entre o 20 e o 29 de xuño, que no momento deste paseo lerezano atravesaba o ecuador.
