O Tríatlon de Longa Distancia foi o brillante punto e final do Mundial Multideporte Pontevedra 2025. Na súa carreira elite masculina tivo sabor pontevedrés, coa vitoria incontestable de Antonio Benito. Nado na cidade manchega de Tomelloso, está moi vencellado a Pontevedra, onde vive a súa noiva e o seu adestrador, Pablo Dapena, subcampión na edición de 2023 desta mesma carreira. Benito é policía nacional en Lugo e realiza parte do seu duro adestramento na Boa Vila.
A carreira celebrouse con miles de pontevedreses nas rúas, desafiando a inusual soleira que afogaba a todo ser vivinte. A animaron ás e aos triatletas nunha xornada marcada polos ouros logrados por Antonio Benito e a francesa Marjolaine Pierré. A selección española suma co triunfo de hoxe 22 medallas, unha das mellores actuacións da súa historia.
O francés Casimir Moine, o belga Tom Vaelen, Antonio Benito e Guillem Montiel lideraron o segmento ciclista tras a natación (3.000 metros) no río Lérez. Montiel rompeu a carreira na terceira e última das voltas ao percorrido en bicicleta logrando unha vantaxe de máis de dous minutos sobre Benito e Moine, tras o 120 km. A carreira a pé foi un duelo entre os dous españois nos primeiros quilómetros. Ao final da primeira das 4 voltas a pé para completar o 30 km, Benito adiantou ao barcelonés e desde aí ata o final o seu principal inimigo foi vencer á calor que endureceu as condicións para todos. O de Tomelloso non baixou o ritmo en ningún momento e cruzou a meta en 5h33:33 no Centro Galego de Tecnificación Deportiva, agradecendo os aplausos e o ánimo de miles de pontevedreses que acudiron ao propio estadio e ás rúas do centro da Boa Vila para animarlle, logrando así o seu segundo título mundial consecutivo.
Guillem Montiel abandonou na segunda volta (viña con algunhas molestias) cando marchaba segundo, como o galo Moine, que tampouco terminou. Pola súa banda, o belga Vaelen sucumbiu ao empuxe do francés Dylan Magnien, segundo en meta en 5h40:52, e caeu ata o décimo posto. O bronce foi, finalmente, para o británico William Draper (5h41:12), que lle arrebatou o terceiro lugar do podio ao checo Lucas Kocar. Jordi Montraveta, logrou un meritorio quinto posto, segundo español en meta.
En categoría feminina, a francesa Marjolaine Pierré, campioa do mundo en Eivissa 2023, deu caza á británica Chloe Sparrow que nadou practicamente en solitario e liderou a proba ata a primeira volta ao sector ciclista, e empezou a cimentar a súa vitoria final (6h15:50) grazas ao seu poderío sobre a bicicleta. A francesa logrou unha vantaxe de máis de 11 minutos en meta sobre a polaca Marta Lagownik, segunda, que adiantou á tamén francesa Charlène Caravel na parte final do segmento a pé polo centro de Pontevedra.
A española Judith Corachán abandonou na carreira a pé cando ía quinta clasificada, na que era a súa despedida da competición internacional.
O Mundial Multisport de Pontevedra 2025 foi organizado pola Federación Española de Tríatlon, World Triathlon e o Concello de Pontevedra, coa colaboración da Deputación de Pontevedra e a Xunta de Galicia.
Pontevedra, tras albergar o Mundial Multideporte de 2019 e a gran final das Series Mundiais en 2023, coroarase este verán como un destino de referencia internacional para a práctica do tríatlon, como paso previo a volver ser a sede da final das Series Mundiais en 2026.
ELITE HOMES
1. Antonio Benito López (ESP) 5:33:33
2. Dylan Magnien (FRA) 5:40:52
3. William Draper (GBR) 5:41:12
ELITE MUJERES
1. Marjolaine Pierre (FRA) 6:15:50
2. Marta Lagownik (POL)6:27:12
3. Charlène Caravel (FRA) 6:30:48
