Equidade a través do deporte
As finais do Campionato do Mundo de Tríatlon Pontevedra 2026 serán un evento inclusivo e accesible para persoas con mobilidade reducida. O noso obxectivo é que todas as instalacións, percorridos e puntos clave do campionato sexan funcionais , seguros e cómodos para todas as persoas.
https://events.triathlon.org/es/2026-wtcf-pontevedra/sustainability
https://ok.pontevedra.gal/es/para-todas-y-todos/
Instalarase sinalización con pictogramas grazas á colaboración con entidades do terceiro sector para facilitar a información a tódalas persoas.
A cidade de Pontevedra conta cunha política pública de igualdade que ten como finalidade garantir que as mulleres e os homes poidan participar de forma igualitaria en todos os ámbitos da vida, incluído o deporte (https://igualdade.pontevedra.gal/).
A FETRI, como promotora do WTCF – Pontevedra 2026 xunto co Concello de Pontevedra, trata ademais de visibilizar o papel das mulleres no deporte, para o que avalía anualmente a presenza de mulleres en todos os ámbitos relacionados (deportistas, organización, xuíces e xuízas…). Ademais, conta cun protocolo para a prevención, detección e actuación fronte o acoso e o abuso sexual para conseguir contornas deportivas seguros.
Esta política impleméntase durante a celebración do evento, con diferentes accións, entre elas:
- Igualdade de premios entre categorías masculinas e femininas.
- Igualdade de acceso a instalacións de adestramento.
- Dispoñibilidade de produtos de hixiene feminina.
Do mesmo modo, impleméntanse medidas que permitan e protexan a conciliación da vida persoal, familiar e deportiva:
- Zonas de lactación en distintas situacións:
- Centro Galego de Tecnificación Deportiva (CGTD).
- Stand de Sostibilidade na Zona Expo.
- Información sobre servizos de gardaría na cidade.
O evento contará ademais con voluntariado universal, composto por persoas pertencentes ao tecido asociativo local.
Diferentes asociacións estarán presentes no córner solidario da Zona Expo para dar visibilidade ás súas iniciativas.
