No marco das Finais do Campionato do Mundo de Tríatlon Pontevedra 2026, e seguindo o camiño marcado polo pasado Campionato do Mundo de Tríatlon Multideporte Pontevedra 2025, recoñecido co Certificado de Ouro en sostibilidade. Deseñouse unha estratexia de sostibilidade que integra:

• Criterios ambientais, minimizando os impactos negativos sobre o clima, a auga, os ecosistemas e a biodiversidade.
• Criterios económicos, promovendo a eficiencia no uso de recursos, o consumo responsable e a redución de emisións.
• Criterios sociais, garantindo accesibilidade universal, a igualdade de oportunidades e a inclusión.

O obxectivo principal desta estratexia deseñada cun horizonte a dous anos  é previr estes impactos negativos, avanzar cara a un modelo máis sostible e aliñarse cos Obxectivos de Desenvolvemento Sostible da Axenda 2030.

A sustentabilidade está presente en cada etapa do evento:

• Planificación
• Organización
• Montaxe
• Celebración
• Desmontaxe

O éxito desta estratexia depende da implicación de todos os actores involucrados no evento, trátase pois dun compromiso colectivo no que participan:

• Deportistas
• Organización
• Entidades colaboradoras
• Patrocinadores
• Voluntariado
• Público

Para garantir un evento sostible, a comunicación xoga un papel clave. Tanto a comunicación interna como a externa son esenciais para concienciar e aliñar todos os participantes: persoal, entidades colaboradoras e patrocinadoras, deportistas, voluntariado e público asistente ao evento.