O Departamento municipal de turismo organiza para os días previos á Gran Final visitas guiadas á cidade en inglés, sesións de case 2 horas que se celebrarán se existe unha demanda mínima de 6 persoas por sesión.
Serán en total 6 sesións os días 21, 22, 23, 25 e 27 de setembro en distintos horarios (catro de mañá e dúas de tarde). Quen estea interesado pode participar por 7 euros por persoa adulta presentándose na oficina de turismo da praza de España pouco antes das 16:45 dos días 21 e 23 ou das 10:30 dos días 22, 23, 25 e 27.
As visitas percorrerán a maior parte dos recuros turísticos da cidade monumental, desde arquitectura civil e relixiosa, urbanismo, historias, anécdotas e moitas outras curiosidades que agocha Pontevedra para quen a visita.