Tanto os newsletters coma as redes sociais que utilizan as plataformas de tríatlon que xiran darredor da Gran Final —fundamentalmente as de World Triathlon e as Federacións Española e Galega de Triatlón dispoñen de material promocional da cidade e de Galicia con argumentos cheos de vitalidade para quen desexe andar por aquí mentres se celebra a cita mundialista.
Preparáronse diversos formatos gráficos con argumentos como a natureza urbana, o patrimonio histórico da cidade, as praias das Rías Baixas ou o Parque Natural das Illas Atlánticas, ademáis dos xa consolidados relatos sobre a gastronomía e a paisaxe. Tamén se inclúe un contido relativo á camiñabilidade urbana, un relato cada vez máis coñecido sobre Pontevedra e que conta cun destacado recoñecemento internacional.
Entre este material promocional atópase igualmente o video realizado polo creador local Emi Ramírez, sobre o tema “Lévame a ese lugar” de Law, unha das voces emerxentes máis relevantes da escena galega.
Entre outras armas seductoras para vir a Galicia difúndense tamén os enderezos electrónicos das principais plataformas turísticas: visit-pontevedra, Turismo Rías Baixas e Turismo de Galicia.
